O vicepresidente da Xunta, Alfonso Rueda, asinou para este 2013 dous convenios máis que o ano pasado, cun orzamento total de preto de 300.000 euros.
O programa enmarcase nun protocolo de actuación institucional asinado fai catro anos pola Xunta e a Fiscalía Superior de Galicia, para articular unha actuación conxunta multidisciplinar dirixida a combater a trata de seres humanos.
Desde 2010, as ONGs colaboradoras atenderon a preto de 8.500 persoas en situación de prostitución ou explotación sexual.
Santiago de Compostela
03.05.2013
O vicepresidente da Xunta, Alfonso Rueda, asinou once convenios de colaboración con distintas entidades sen ánimo de lucro para levar a cabo programas de atención a mulleres inmigrantes en situación de prostitución e vítimas de trata con fins de explotación sexual.